Конкурс «Ирон фæндыр» ацыд Дзæуджыхъæуы

Æрвылазон æмдзæвгæты æркаст «Ирон фæндыр» ацыд Дзæуджыхъæуы Фæсивæды галуаны. Архайдтой дзы алы кары сывæллæттæ - рæвдауæндæтты хъомылгæнинæгтæй хистæр кълæсты ахуырдзауты онг. Æдæппæтæй 100 адæймагæй фылдæр. Мадзал снысан кодтой Хетæгкаты Къостайы райгуырæн боны 161 азмæ. Йæ сæйраг нысан у - рæзгæ фæлтæры райгуырæн бæстæ æмæ мадæлон æвзагыл æнувыд кæнын. Архайджытæ бакастысты Хетæгкаты Къостайы æмдзæвгæтæ: «Æрра фыййау», «Балцы зарæг», «Ныфс», «Хæрзбон», «Бирæгъ æмæ хърихъупп» æмæ æндæртæ. Уæлахиздзауты схорзæхджын кодтой кады гæххæттытæй æмæ зæрдылдарæн лæвæрттæй. Æмдзæвгæты æркаст ацы аз у йæ нымæцмæ гæсгæ 5-æм. Йæ аразджытæ сты Дзæуджыхъæуы Фæсивæды галуаны разамынд фæсивæды хъуыддæгты фæдыл комитеты æххуысæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv