Хуссар Ирыстоны ноджы 77 адæймаджы фæрынчын сты коронавирусæй

Хуссар Ирыстоны коронавирусæй фæрынчын ноджы 77 адæймаджы. Æдæппæттæй та ног низæй фæрынчын 1 мин æмæ 3 сæдæ адæймагæй фылдæр. Амард 20 адæймаджы. Уый тыххæй хъусын кæны Хуссар Ирыстоны сæйраг санитарон дохтыр Косты Мæринæ. Йæ ныхæстæм гæсгæ, республикæйы рынчындæтты ис 215 адæймаджы. Æдæппæттæй сентябрæй фæстæмæ ног низæй фæрынчын 1 мин адæймагæй фылдæр,194 дзы сдзæбæх сты. Хуссар Ирыстоны хицауад аразы æмбæлгæ мадзæлттæ, цӕмӕй низ ма апарахат уа. Ахуырадон, хиирхæфсæн æмæ спортивон уагдæтты куыст рæстæгмæ æрлæууыд 15 ноябрмæ. Низимæ тох кæныны тыххæй Хуссар Ирыстоны медицинон кусджытæн æххуыс кæнынц нæ бæстæйы хъахъхъæнынады министрады æфсæддон дохтыртæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv