3 аздзыд Мæздæджы цæрæг Давид Салаевæн баххуыс кодтой Æппæтуæрæсеон адæмон фронты уæнгтæ

3-аздзыд Мæздæджы цæрæг Давид Салаевӕн баххуыс кодтой Æппæтуæрæсеон адæмон фронты уæнгтæ. Сывæллон уæззау низы фæстæ бакъуырма ис. Цæмæй йæ царды уаг æнцондæр уа, уый тыххæй йæ бахъуыд хъусынгæнæн аппарат дарын. Стыр æхцатæ йын хъæуы, бинонтæм та фæрæзтæ фаг нæй. Æппæтуæрæсеон адæмон фронты уæнгтæ уыцы уавӕр базонгӕйӕ сабимæ фæкастысты. Цæмæй, уый тыххӕй та нæ дарддæры æрмæджы. Давид Салаев уыд менингитӕй рынчын. Дзӕвгар рӕстӕджы фӕстӕ низ тыхджындӕр кӕнын райдыдта, лӕппу хъусӕй нал хъуыста. Ныртӕккӕ Давидыл цӕуы 3 азы. Йӕ алыварс цы хабӕрттӕ цӕуы, уыдон фехъусынӕн ын ӕххуыс у сӕрмагонд аппарат. Ис ыл дыууӕ микрофоны, уыдон ахсынц зӕлтӕ. Уый фӕстӕ электрон сигнал ӕрвыст ӕрцӕуы хъусӕн нервмӕ. Дарддӕр уыцы сигнал ӕрвыст ӕрцӕуы сӕры магъзмӕ. Ацы аппараты аргъ у милуан соммӕ 'ввахс. Бинонтӕн ацы аппарат лӕвӕрд ӕрцыд квотӕмӕ гӕсгӕ лӕвар. Ӕрӕджы сын фесӕфт. Давид ныр дыууӕ къуырийы бӕрц йӕ хъустӕй нал хъусы. Интернеты социалон хызты хъусынгӕнинагӕн дзуапп радтой ӕппӕтуӕрӕсеон адӕмон фронты уӕнгтӕ. Активисттӕ, къуырма сывӕллӕттӕ цы бинонты ис, уыдонмӕ сӕ цӕст дарынц. Ахӕм бинонтӕн ма интернеты дӕр ис сӕрмагонд фарс. Уый сын ӕххуыс у сӕ иумӕйаг хъуыддаджы. Ацы бинонтӕн дӕр баххуыс кодтой. Иумӕйаг хъарутӕй сӕ къухы бафтыд Давидӕн ног аппарат сӕмал кӕнын. Дохтыр Елена Михайлиди республикӕйы сывӕллӕтты дзӕбӕх кӕны ахӕм низтӕй. Куыд бафиппайдта, афтӕмӕй ацы аппарат музыкалон инструменты хуызӕн у. Тынг лӕмбынӕг куыст ын ис. Давидӕн дӕр сӕ къухы бафтыд баххуыс кӕнын. Ахӕм адӕмӕн аппараттӕ раттынц 5 азӕй 5 азмӕ. Уымӕн ӕмӕ цӕ куст фӕкъуыхцы вӕййы. Ӕппӕтуӕрӕсеон адӕмон фронты уӕнгтӕ ацы хъуыддагыл кусынц лӕмбынӕг ӕмӕ бӕстонӕй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv