Парти «Иугонд Уæрæсе»-йы уæнгтæ хъæууон чиныгдæттæн балæвар кодтой чингуытæ

Абон, Сывæллæтты чиныджы æппæтдунеон бон, парти «Иугонд Уæрæсе»-йы депутаттæ раарфæ кодтой нæ республикæйы чысыл чиныгкæсджытæн. Акци «Лучший подарок − книга!»-йы фæлгæты хъæууон библиотекæтæн балæвар кодтой чингуытæ. Сæйрагдæр, сæхи бон самал кæнын кæй нæу, ахæмтæ. Бабæрæг кодтой Октябрскæйы чиныгдон дæр. Акцимæ цæттæгæнгæйæ бафарстой, сæрмагондæй цавæр литературæ нæ фаг кæны чингуыты хæлæрттæн, уый. Куыд рабæрæг, афтæмæй уый у фæсарæйнаг æмæ уырыссаг классикæ, аргъæуттæ, фантастикæ. Бирæтæм нæ разынд, зæгъæм, сывæллæттæн уарзон Гарри Поттеры тыххæй романты сери. Партийы уæнгтæ сывæллæттимæ аныхас кодтой. Радзырдтой сын, иу чиныджы цас зонæндзинæдтæ ссары адæймаг, уый арæх цалдæр азмæ дæр кæй нæ бамбары, уый тыххæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv