QR-код Уæрæсейы 21-æм февралæй райсæн уыдзæн сæрмагонд тесты бæрæггæнæнтæм гæсгæ

QR-код Уæрæсейы райсæн уыдзæн сæрмагонд тесты бæрæггæнæнтæм гæсгæ. Ома COVID-19-ы фæстæ адæймагмæ иммунитет кӕй фæзынд, уый сбæрæг кæнгæйæ. Ахæм уынаффæ æнæниздзинад хъахъхъæнынады министрад ныммыхуыр кодта барадон информацийы интернет-порталы. Раздæр документмæ гæсгæ сертификат лæвæрдтой æрмæст вакцинаци чы ацыд, стæй COVID-19-æй рынчын чи уыд, уыцы адæмæн. 21-æм февралæй QR-коды тыххæй информаци уыдзæн Иумæйаг порталы. Нысангонд дзы уыдзæн COVID-19-ы фæстæ адæймагмæ иммунитет кӕй фæзынд, уый дæр. Пайда кæнæн дзы уыдзæн 6 мæйы дæргъы. Уæ зæрдыл ма уын иу хатт æрлæууын кæндзыстæм, вакцинаци кæй у æппæтæй хуыздæр фæрæз хи коронавирус æмæ йæ фæстиуджытæй бахъахъхъæнынæн. Уæрæсейы æнæниздзинад хъахъхъæнынады министрады сæргълæууæг Михаил Мурашкойы ныхæйстæм гæсгæ, коронавирусæй рынчынты 'хсæн вакцинаци чи ацыд, уыдоны нымæй хæрз чысыл у. COVID-стационарты пациенттæн сæ фылдæр та сты прививкæ чи не 'скодта, уыдон. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv