Абон, 30 æм июны, фæвæййы сывæллоны скъоламæ раттынæн курдиат ныффыссыны рæстæг

Абон, 30-æм июны, фæвæййы сывæллоны скъоламæ раттыны тыххæй курдиат ныффыссыны рæстæг. Дзæуджыхъæуы фыццæгæм къласмæ бацæудзысты 4 мин сабийы. Республикæйы та æдæппæтæй балæвæрдтой 12 мин курдиаты. Гæххæттытæ бадæттынæн фароны сентябрæй ис ног уагæвæрд. Бинонтæ кæм цæрынц, уымæ гæсгæ сывæллон фиаргонд у хæстæгдæр скъоламæ. Æмæ скъолатæ, фыццаджыдæр, исынц, цы сабитæ сæм хауынц, уыдоны. Кæд ма ахуыргæнæндоны уа бынæттæ, уæд райсдзысты иннæты дæр. Афтæмæй иннæтæн та сæ бон курдиат бадæттын 5-æм июлæй 5-æм сентябрмæ. Ахуырады министрады специалисттæ кусынц алы скъолайы дæр. Архайынц, цæмæй алы ахуыргæнæндоны дæр уа сывæллæтты æмхуызон нымæц. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv