Æрдæг арæзт бæстыхайы сæр чи хъазыд, уыцы æнахъом сывæллæтты ныййарджыты бафхæрдзысты административо

Æрдæг арæзт бæстыхайы сæр чи хъазыд уыцы æнахъом сывæллæтты ныййарджыты бафхæрдзысты административон æгъдауæй. Ахæм хуызы æфхæрд æрцæудзæн бирæуæладзыгон хæдзар кæй бæрны ис, уыцы арæзтадон компани дæр. Æдасдзинады домæнтæ кæй нæ сæххæст кодтой, уый тыххæй гæнæн ис æмæ компани бафида 100 минæй 300 мин сомы бæрц ивар. Дзæуджыхъæуы Терчыфалейы районы прокуратурæ аиппытыл бакуыста. Сæ уынаффæмæ гæсгæ арæзтадон объекты алыварс фæзындзæн æфсæйнаг быру, бауаддзысты рухс æмæ дзы хъахъхъæнæджы сæвæрдзысты. Мидхъуыддæгты министрады æнахъом сывæллæтты хъуыддæгты фæдыл хайады кусджытæ сывæллæтты тæссаг рæттæм ма бауадзыны тыххæй профилактикон мадзæлттæ дарддæр дæр араздзысты. Æвæгæсæг цы арæзтадон фæзуат раиртасой уыдоны хицуæтты та закъонмæ гæсгæ дзуапп дæтдзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv