Дзæуджыхъæуы ацыд ахуырады фарстаты фæдыл стратегион сесси

Ахуырады хæрзхъæддзинад фæуæлдæр кæнын. Уыимæ рабæрæг кæнын æмæ æрбалæууын курдиатджын фæсивæды фарсмæ. Ахæмтæ сты стратегион сессийы сæйраг нысæнттæ. Калоты Дзерассæ бæлвырддæр радзурдзæн мадзалы архайджытæ æмæ хатдзæгты тыххæй. Скъолатæ æмæ уæлдæр ахуырадон уагдæттæ хъуамæ æнгомæй кусой. Ацы къабазы цы райхалинаг фарстатæ ис æмæ сæ куыд аиуварс кæнын хъæуы, уымæн йæ зонындзинæдтæ не 'вгъау кæны Мæскуыйы ахуырады корпоративон университеты минæвар Александра Подымова. Ацы къабазы йæм ис 15 азы фæлтæрддзинад. Стратегион сесси арæзт у 3 хайæ. Алкæцыйы дæр бæлвырд хæстæ. Иу бæстыхайы æрæмбырд сы республикæйы скъолаты минæвæрттæ, профилон министрад æмæ уæлдæр ахуырадон уагдæтты разамонджытæ. Сæйраг нысан – ахуырады хæрзхъæддзинадыл бакусын. Архайджытæ фидарæй зæгъæнц, ахæм мадзæлттæн егъау нысаниуæг кæй ис. Сӕ руаджы ахуырады къабазы æмвæзад ноджы фæбæрзонддæр уыдзæн. Ӕппынфӕстаг фæуæлдæр уыдзæн абитуриентты æмæ кусджыты цæттæдзинад дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv