Музейты 'хсæн республикон æркастæн хаттдзæгтæ скодтой

Музейты 'хсæн республикон æркастæн хаттдзæгтæ скодтой. Архайдтой дзы ахуырадон уагдæтты Æфсæддон намысы музейтæ æмæ залтæ. Мадзал сбастой фыдыбæстæйы стыр хæсты уæлахизы 75 азимæ. Йæ аразджытæ - Цæгат Ирыстоны ахуырад æмæ наукæйы министрад æмæ Республикон сывæллæтты сфæлдыстады галуан. Уæлахиздзауты ӕвзӕрстой сæрмагонд домæнтæм гæсгæ, хуыздæрты рабæрæг кæнынæн жюрийы уæнгтæ бынаты æркастысты музейты куыстмæ.Уымæй уæлдай ма сын бакодтой методикон æмæ практикон æххуыс дæр. Ерысты хаттдзæгтæм гæсгæ, номинаци «Хуыздæр æфсæддон намысы музей»-ы Гран-при рамбылдта Беслæны 1-æм скъола. Фыццаг бынат та райста ст. Павлодольское-йы скъола. Номинаци «Хуыздæр æфсæддон намысы зал»-ы фыццаг сси Елхотты 2-æм скъола. Уæлдæр ахуыргæнæндæтты музейты `хсæн та хуыздæр разынди Цæгат Кавказы хæххон-металлургон институты музей. Сæрмагонд призты аггаг систы Црауы скъолайы музей æмæ Хъæбæлоты Билары номыл республикон сывæллæтты сфæлдыстады галуан. Æдæппæтæй конкурсмæ сæ курдиæттæ балæвæрдтой Цæгат Ирыстоны 21 ахуырадон уагдоны музейы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv