Сæрмагонд æфсæддон операцийы архайджытæн æмæ сæ бинонтæн нысангонд ис æххуысы 20 гæнæнæй фылдæр

Цæгат Ирыстоны сæрмагонд æфсæддон операцийы архайджытæн æмæ сæ бинонтæн нысангонд ис æххуысы 20 гæнæнæй фылдæр. Уæрæсейы Социалон фонды республикон хайад дæтты хæстонтæн æмæ сæ бинонтæн социалон æмæ пенсион лæггæдтæ, медицинон реабилитаци æмæ санаторон-курортон дзæбæхкæнынад. Льготæтæ æмæ фиддонтæ лæвæрд цæуынц æнæ курдиат фысгæйæ. Адæймаг йæхæдæг куы бацæуа, уæд та æппæт лæггæдтæ райсæн ис иу бонмæ. Алы æфсæддонæн дæр фидаргонд æрцыд хицæн специалист, уый йын баххуыс кæны æппæт хъæугæ документтæ æрæмбырд кæнынæн. Мобилизацигонд чи æрцыд, уыдоны бинойнæгтæн та сæ бон у сывæллæтты иумæйаг фиддон хуымæтæгдæр фæткмæ гæсгæ снысан кæнын. Хицæн фиддонтæ ис æнхъæлцаутæ æмæ æфсæддонты цотæн.