Терчы сыгъдæгдзинадыл хъуамæ бакуса сæрмагонд наукон иртасæн къорд

Терчы сыгъдæгдзинадыл хъуамæ бакуса сæрмагонд наукон-иртасæн къорд. Ахæм хъуыдымæ ’рцыд Цæгат Кавказы хæххон-металлургон институты экологийы кафедрæйы разамонæг Æлборты Иван Йæ ныхæстæм гæсгæ, фыццаджыдæр хъæуы сбæрæг кæнын цæугæдон цæй аххосæй счъизи вæййы, уый. Хатдзæгтæм гæсгæ, уавæрæн аргъ скæндзысты. Цæгат Ирыстоны Терчы дон чъизи кæнын райдайы цалдæр бынаты. Сæ иу у Мæздæджы район. Уым 1992 азæй нырмæ донмæ нефтепродукттæ цы ран апарахат сты, уым дон ссыгъдæггонд ныры онг не ’рцыд. Уымæн æвдисæн у, Мæздæджы районы цъайы ныр дæр ма фæтæген кæй ссарынц, уый. Республикæйы хæххон бынæтты Фыййагдон æмæ Уыналы æрзæткъахæн хауæццæгтæ æмбырдгæнæн цадтæ ногæй скъахтой. Уыдон дæр, гæнæн ис, æмæ нырмæ зиан хæссой цæугæдонæн. Æлборты Иван куыд радзырдта, афтæмæй Терк чъизи кæй кæны, уымæн ма йæ аххосæгтæй иу у, ранæй-рæтты сыгъдæггæнæнтæ кæй нæй, чи ис, уыдон та къуылымпытимæ кæй кусынц, уый. Ома, Цæгат Кавказы Терк кæм кæлы, уыцы горæтты дон сыгъдæггонд цæуы æрмæст гравитацион æгъдауæй, биологон хуызы та æппындæр нæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv