Дзæуджыхъæуы æрцахстой, наркотиктæй æвæрæнтæ чи кодта, ахæм дыууæ нæлгоймаджы

Цалынмæ Рахизфарсы районы райрæзтыл бæрнон адæм кусынц, уæдмæ та уал æндæр бæрнон адæм Дзæуджыхъæуы ахсынц фыдгæнджыты. Ацы хатт сæ къухмæ бахаудысты, наркотиктæй æвæрæнтæ чи кодта, дыууæ ахæм æрыгон нæлгоймаджы. Сты бынæттон цæрджытæ. Се `нæзакъон миты тыххæй сын пъæлицæйæгтæ куы базыдтой, уæд сыл сæ цæст æрæвæрдтой. Бирæ сæ нæ бахъуыд æнхъæлмæ кæсын. Сæ радон сусæг миты рæстæг сæ рацахстой. Нæлгоймæгтæм разынд, æвæрæнты бафснайынмæ цæттæ чи уыд, ахæм чысыл тыхтæттæ героинимæ. Барадхъахъхъæнджытæ фыдгæнджыты цæрæнуæттæ куы басгæрстой, уæд ма дзы уым дæр ссардтой. Æрхъуыдыджын нæлгоймæгтæн хæдзары `фснайд наркотиктæй тыхтæттæ саразын нал бантыст, барады кусджытæ сын сæхи кæй атыхтой, уымæ гæсгæ. Сæ ныхмæ сын байгом кодтой уголовон хъуыддаг Уæрæсейы Уголовон кодексы цалдæр уацмæ гæсгæ. Ныр, гæнæн ис, æмæ ахæстонмæ бахаудзысты 20 азы онг æмгъуыдмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv