Конституцимæ ивддзинæдтæ бахæссыны тыххæй абонæй фæстæмæ хъæлæс кæнæн ис

Конституцимæ ивддзинæдтæ бахæссыны тыххæй абонæй фæстæмæ хъæлæс кæнæн ис. Владимир Путины уынаффæмæ гæсгæ, хъæлæс кæныны бон снысан кодтой 1-æм июлы, фæлæ хи бахъахъхъæныны тыххæй, æвзарæн хайæдтæ байгом сты абон. Кусдзысты къуырийы дæргъы. Схъæлæс кæныны бар ис æвзарæн хайады æмæ хæдзары дæр. Цæгат Ирыстоны хъæлæс кæныны рæстæгмæ бæстонæй бацæттæ кодтой. Сæрмагонд нысæнттæ – дистанцийы тыххæй. Хъæлæсгæнджытæн цыппар кабинæйы. Æвзарæн къамисы архайджыты сифтонг кодтой х и бахъахъхъæныны фæрæзтæй. Цæрджыты удæнцойæн, алы стъолы раз дæр уынгты номхыгъд. Æвзарæн хайæдты кæцыдæр хай байгом кодтой гом арвы бын, цæмæй адæм бирæггæйттæй ма æмбырд кæной. Æвзарæн къамистæ байгом сты Хуссар Ирыстоны дæр. Республикæйы цæрджыты бон у схъæлæс кæнын у 3 хайады. Дыууæ дзы сарæзтой æфсæддонты 4-æм базæйы Цхинвал æмæ Дзауы. Республикæйы цæрджытæй Уæрæсейы бæрны чи сты, уыдоны бон у схъæлæс кæнын Уæ  рæсейы минæварады. Республикæйы хицауад минæварадимæ иумæ адæмы районтæй æвзарæн хайадтæм æрбаласынмæ сарæзтой хъæугæ фадæттæ. Алы хайады дæр æххæст кæнынц санитарон домæнтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv