Хетæгкаты Къостайы æмдзæвгæты ныхæстыл цы зарджытæ фыст æрцыд, уыдоны бындурыл рауагътой нотæты æмбы

Хетæгкаты Къостайы æмдзæвгæты ныхæстыл цы зарджытæ фыст æрцыд, уыдонæн Дзæуджыхъæуы рауагътой нотæты æмбырдгонд. «Песни и романсы на стихи Коста Хетагурова» зæгъгæ. Æмбырдгонды тыххæй информаци йæ официалон сайт Фейсбукы равæрдта рауагъдад «Ир». Ахуырадон æмæ сывæллæтты музыкалон скъолатæ уымæ рагæй æнхъæлмæ кастысты. Æхсызгон хабар у профессионалон æмæ, нырма æрæджы ахуыр кæнын чи райдыдта, уыцы вокалисттæ æмæ музыканттæн дæр. Ирыстойнаг зындгонд композитортæй уæлдай дзы фенын ис æрыгон курдиатджын авторты уацмыстæ. Проект рухс федта Джиоты Аланы архайды фæрцы. Чиныг аразæг у композитор Махъоты Ацæмæз, музыкалон редакторы хæс йæхимæ райста Мадина ПшихАчева. Чиныг рауагътой Хетæгкаты Къостайы райгуырды боны 160 азы юбилейы кадæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv