Апрелы хæххон металлургон техникумы архайын райдайдзæн хъæдæрмæджы æрмадз

Хъæдæрмæгимæ кусынмæ бæллынц 3-æм училищæйы студенттæ. Æнхъæлмæ кæсынц сæ ахуыргæнæндоны цалцæггæнæн куыстыты кæронмæ. Уæд райдайдзысты практикæйы хуызы зонындзинæдтæ исын. Студенттæ сæхæдæг дæр архайынц аразджыты фарсмæ балæууыныл. Ивынц рудзгуытæ, дуæрттæ. 3-æм профессионалон училищæйы хъæдæрмæджы куыст кæнæны цехы архайд сног ис. Ныртæккæ дзы нæй нæ хъæдæрмæджы тæф, нæ кусæн гæрзты уынæр. Фæлæ фидæны ам куыстытæ уыдзысты сæ тæмæны. Апрелы цех скусдзæн йæ тыхы 'мбæрц. Æрмадз бирæ рæстæг нæ куыста, уыд цалцæггæнинаг, фæлæ сæм фæрæзтæ нæ уыд. Фарон республикæйы хициуад рахаста уынаффæ Хæххон паддзахадон техникум æмæ 3-æм профессионалон училищæ баиу кæнын. Декабры райдыдтой ахуыргæнæдæтты рацарæзт æмæ ныр кæронмæ архæццæ сты сæ документты хабæрттæ дæр. Фыццаджыдæр сæ бафæндыд хъæдырмæджы куыст кæныны цех сног кæнын. Кусæнгæрзты техникон уавæрмæ дæр сæ цæст дардзысты студенттæ. Æххуыс та сын кæндзысты фæлтæрдджын педагогтæ. Лæппутæ сæхæдæг куыд зæгъынц, афтæмæй сæм хорз кæсы хъæдæрмæгимæ кусын. Уымæ гæсгæ тынг æнхъæлмæ кæсынц, кæд райдыйдзысты ног уавæрты архайын. 3-æм училищæйы ис автомобилон æрмадзтæ дæр - 8 бынаты. Уыимæ ма хъæдырмæджы куысты æмæ слесырты цехтæ. Ныртæккæ нæ кусынц, фæлæ сын сæ архайд сног кæныны фæнд кæнынц. Училищæйы ныридæгæн ис 211 студенты. Уый тынг чысыл у. Дыууæ ахуыргæнæндоны кæй баиу сты, уый руаджы кæд бантысид фылдæр абитуриентты сразæнгард кæнын, сæ зæрдæ дарынц училищæйы разамынд. Гугкаты Иринæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv