Нацпроект «Демография»-йы фæлгæты сæ царды уавæртæ фæхуыздæр кæндзысты 2,5 милуан бинонтæ

Национ проект «Демография» æххæстгонд куы 'рцæуа 2024-æм азмæ, уæд социалон æххуыс райсдзысты 2 милуаны æмæ 500 уæрæсейаг бинонтæ. Уый тыххæй фехъусын кодта Уæрæсейы вице-премьер Татьяна Голикова Михаил Мишустинимæ видео-конференцийы рæстæг. Вице-премьер куыд загъта, афтæмæй бинонты уавæртæ зынгæ фæхуыздæр уыдзысты Нацпроекты 'руаджы. Татьяна Голикова ма бафиппайдта уый, æмæ бинонтæн æххуысы мадзæлттыл архайдзысты дарддæр дæр бæстæйы президент Владимир Путины фæндонмæ гæсгæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv