«Жизнь Правобережья» газет рафыссыны кампани кæронмæ æрхæццæ

Йæ тираж – 5 минмæ `ввахс. Рацæуы къуыри æртæ хатты, фыдæбон ыл кæнынц профессийыл æнувыд кусджытæ. Дзыллон информацион фæрæзты æхсæн газет «Рахизфарсы цард» зæгъæн ис, æмæ ахсы уæлдай бынат. Уæлдай дæр районы газеткæсджыты хсæн. Уарзынц æй æмæ йæм фенхъæлмæ кæсынц алы кары адæм. Редакцийы балæууыд æмæ йæ куысты фæтк федта не сфæлдыстадон къорд. Хъазиты Иринæ куыстмæ æрбацæуы йе `мкусджытæй раздæр. Иу-хатт ма текстытæм æркæсы, типографийы разæй йæ цæст ахæссы æппæт æрмæджытыл дæр. Афтæ райдайы газет «Рахизфарсы цард»-ы сæйраг редакторы бон. 8.30 редакцийы куыст сцырен вæййы. Чи куысты фæдыл телефонæй дзуры, чидæр та информаци агуры æмæ йыл кусы, иннæтæ фыдæбон кæнынц газетты ног номырыл. Налдыхъуаты Алинæ каст фæци ЦИПУ-йы журналистикæйы факультет. Ахуыры фæстæ куысты ныллæууыл Рахизфарсы районы газеты редакцийы. Æрæджы кæронмæ æрхæццæ газетт рафыссыны кампани. Ацы аз «Рахизфарсы цард» чи рафыста уыдоны нымæц у 3 минæй фылдæр. Ахæм æнтыст къухы бафтыд редакцийы кусджытæ æвæллайгæйæ фæллойы фæрцы. Сæ куыст уарзынц, фæлæ сæм ис зындзинæдтæ дæр. Зæгъæм А3 форматы принтертæ базæронд сты æмæ нал бæззынц, иуæй-иу компьютертæ та уæвгæ дæр сæ куыст нал кæнынц. Жизнь Правобережья рацæуы къуыри æртæ хатты. Йæ тираж у 5 мин экзнмпляры чысыл цухæй. Фыццаг хатт мыхуыры рацыд 80 азы размæ. Редакцийы ис газет рафыссыны хицæн хайад. Ахсджиаг хабæрттæ æмæ хъусынгæнинæгтæ зонын кæй фæнды, уыцы газеткæсджыты сæ фæндаг ракæнын хъæуы ууылты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv