«IT-куб» райдыдтой кусæнгæрзтæй ифтонг кæнын

Сывæллæтты нымæцон ахуырады центр «IT-куб» райдыдтой кусæнгæрзтæй ифтонг кæнын. Центры ахуырад арæзт уыдзæн 6 къабазмæ гæсгæ. IT-куб æмгуыст кæны IT-къабазы раззагдæр компанитимæ. Центры ахуыр кæныны фадат ис куыд кæстæр, афтæ хистæр кълæсты ахуырдзаутæн дæр. Семæ цы ахуыргæнджытæ кусдзысты, уыдон ацæуынц сæрмагонд дæсныйад уæлдæргæнæн ахуыртæ. Æдæппæтæй центры кусдзæни 12 ахуыргæнæджы. «IT –куб» аразынц федералон проект «Цифровая образовательная среда» æмæ национ проект «Ахуырад»-ы фæлгæты. Федералон бюджетæй йын рахай кодтой 13 милуан сомы. Уæлæмхасæн ахуырад ацы центры райсæн уыдзæн афæдзмæ 400 сывæллонæн. Центр байгом уыдзæн сентябры гимназ «Диалог»-ы. Ахуыр кæнынмæ курдиат бадæттæн та уыдзæн августы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv