Мæздæджы сывæллæтты музыкалон скъолайæн балæвар кодтой музыкалон инструменттæ

Мæздæджы сывæллæтты музыкалон скъолайæн балæвар кодтой музыкалон инструменттæ. Сæ иумæйаг аргъ 7 милуан сомæй фылдæр. Хъæугæ кусæнгæрзтæ балæвар кодтой кадджын уавæры Архайдта дзы Цæгат Ирыстоны культурæйы министр Къубалты Эльбрус. Инструменттæ арæзт сты Уæрæсейы, се `хсæн «Михаил Глинка» кæй хонынц, уыцы концертон рояль, дыууæ аккордеоны «Тула» æмæ бадæнтæ. Афтæмæй скъолайы ахуырадон фæтк зынгæ фæхуызæр уыдзæн. Музыкалон инструменттæ хицауад балхæдта федералон фæрæзтæй, «Культура» национ проекты фæлгæты. Мæздæджы сывæллæтты музыкалон скъала сси дыккаг ахæм культурон ахуыргæнæндон, профилон министрад, хъæугæ кусæнгæрзтæй сифтонг кæныны тыххæй кæй снысан кодта, уый. 2024-æм азмæ «Культурая среда», зæгъгæ, проектмæ гæсгæ, музвкалон инструменттæ, кусæнгæрзтæ æмæ ахуырадон æрмæджытæй сифтонг кæндзысты ноджы 4 ахуыргæнæндоны. Раздæр ма, национ проекты фæлгæты, инструменттæ æмæ техникæ балæвар кодтой Гергиты Валерийы номыл аивæдты колледжæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv