Ирина Азимова бабæрæг кодта ахуырадон объектты арæзтад

Иринæ Азимова сбæрæг кодта ахуырадон объектты арæзтад. Хъæуты скъолатæ цалцæггонд нæ уыдысты сæ саразынæй фæстæмæ. Арæзтадон куыстытæ цæуынц нысангонд фæткмæ гæсгæ. Уыимæ ма сæ хæрзхъæддзинад дæр зæрдæ "хсаинаг нæу. Фæлæ вице-премьермæ фарстатæ уæддæр сæвзæрд. Иринæ Азимова йæ кусæг балц райдыдта Ногхъæуы скъолайæ. Бæстыхай сарæзтой ивгъуыд æнусы 70-æм æзты. Бындурон цалцæг никуы уыд. Заууатмæ æрцыд. Йæ цар дæр у ногæй ивинаг. Ныр бæстыхай йæ хуыз скалдта. Аразджытæ ногæй баивтой рухсдæттæн æмæ хъармдæттæн системæ, пъолтæ, дондзæуæн æмæ канализацион хæтæлтæ. Сæвæрдтой ног рудзгуытæ. Уыимæ ма спортивон зал æмæ хæрæндон ног кусæнгæрзтæй сифтонг кæндзысты. Куыстыты 90% æххæстгонд æрцыдысты. Уыцы иу рæстæг аив кæнынц скъолайы кæрт. Аразджытæ объект раттынфæнд кæнынц 25 августы. Уæллаг Бирæгъзæнджы скъола дæр цалцæг кæнынц. Иринæ Азимовамæ сæвзæрд фæрстытæ йæ аразджытæм. Ам цалцæггæнæн куыстытæ райдыдтой цыппæрæм июлы. Ног ахуыры азмæ ма баззад дыууæ къуырийы, аразинæгтæ та нырмæ бирæ. Аразджытæ æппæт куыстытæй æрмæстдæр сног кодтой химæ зилæн уат, канализацион æмæ дондзæуæн хæтæлтæ. Ныртæккæ хæдзары сæр ивынц. Æрæджы зæронд пъолтæ скалдтой. Иринæ Азимова бабар кодта, цæмæй цыбыр рæстæгмæ æппæт куыстытæ дæр баххæст кæной. Ног ахуыры азмæ цæттæ у Алагиры 3-æм скъола. Лыстæг куыстытæ ма дзы баххæст кæнын хъæуы. Иринæ Азимовайæн экскурси сарæзтой. Равдыстой йын цалцæггонд кусæн æмæ ахуыргæнæн уаттæ, хæрæндон, спортивон зал. Скъола байгом 1983-æм азы. Уæдæй абонмæ дзы цалцæггæнæн куыстытæ нæ цыд. Аразджытæ сног кодтой рухсдæттæн æмæ хъармгæнæн системæ, канализацион æмæ дондзæуæн хæтæлтæ, цар æмæ пъолтæ. Дарддæры пункт- Николаевскæйы станицæйы скъола. Ахуыргæнæндоны цалцæггæнæн куыстытæ райдыдтой 15 майы. 15-æм августмæ хъуамæ æххæстгонд уыдаиккой. Фæлæ арæзтадон фæзыл куыстытæ нырма цæуыц. Вице-премьер ма бабæрæг кодта Æрыдоны район. Мичурино æмæ Къостайыхъæуы дæр цалцæг кæнынц скъолатæ. Куыстытæ сты алы уавæры. Фæлæ арæзтады хæрзхъæддзинадмæ ницы фаутæ æрхæссæн ис. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv