«Спецэкосервис» пандемийæйы рæстæг йæ куыст нæ бауырæдта

«Спецэкосервис»-ы кусджытæ æрвылбон кæсынц Дзæуджыхъæуы уынгты уавæрмæ. Пандемийы рæстæг дæр сæ куыст нæ баурæдтой. Уый нæ, фæлæ ма стыр æвæрæн бахастой коронавирусы инфекци ма руадзынмæ. Горæты уынгтæ пырх кодтой сæрмагонд буаргъæдæй. Ныр хæдзарадон-коммуналон службæйы лæггæдтæн бирæ цæрджытæн сæ бон фидын нал у. Куыстуатыл карантин куыд фæзынд, уый тыххæй нæ дарддæры æрмæджы. Æхсæвы дыууæ сахатыл, горæт фынæй куы вæййы нырма, уæд сæ кусгæ бон райдайы «Спецэкосервис»-ы кусджытæн. Пандемийы рæстæг горæты уынгтæ æфснайын раздæр райдайынц. Ацы куыстуат иу бон дæр не рлæууыд. Дзæуджыхъæуы уынгты сыгъдæгдзинад ацы куыстуатæй аразгæ у. Фыццаг уынгтæм рахизынц мæрзджытæ. Ныммæрзынц фæндæгтæ æмæ тротуартæ. Боныцæхты кусын ахуыр сты. Дарддæр иннæ кусджытæ æрымбырд кæнынц бырон æмæ сæ аласынц полигонмæ. Специалисттæ куыд зæгъынц, афтæмæй пандемийы рæстæг куыстытæ æххæст кæнынц фæткмæ гæсгæ. Фæлæ æдасдзинады домæнтæм сæ хъус дарынц. Коронавирусы инфекци кæй апарахат, уымæ гæсгæ бирæтæ æнæ куыстæй баззадысты. Бинонты цæмæй дардтаиккой, уый нæ уыд. Уымæ гæсгæ бырон раласæггаджы фиддоны нымæц фæкъаддæр. Уый аххосæй куыстуатмæ финансон къуылымпыдзинæдтæ фæзынд. Баххуыс сын кодтой республикæйы хицауад æмæ горæты администраци. Уымæй уæлдай ма регионалон оператортæн федералон центрæй рахай кодтой æхцайы фæрæзтæ, сæ хæстæ бафидынæн. Куыстуаты разамынд цæрджытæм сиды, цæмæй афойнадыл фиддонтæ хæссой. Уымæй аразгæ у куысты хæрзхъæддзинад æмæ лæггады афойнад. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv