Дзæуджыхъæ уы уыд оперативон штабы æмбырд ковид низ парахат кæнын ма руадзыны фарстатимæ
Ивгъуыд къуыриимæ абаргæйæ ацы къуыри короновирусæй рынчынтæ фæфылдæр сты 72,6%. Хъыгагæн, цæрджытæ не 'ххæст кæнынц Фæлхгæнджытæм цæстдарды управленийы æппæт домæнтæ. Нæ дарынц маскæтæ, не 'ххæст кæнынц социалон дистанци. Уавæрыл ныхас кодтой короновирус парахат кæнын ма ’руадзыны оперативон штабы æмбырды. Амыдта йæ республикæйы сæргълæууæджы хæстæ рæстæгмæ æххæстгæнæг Сергей Меняйло. Куыд загъта, афтæмæй санитарон домæнтæ куыд æххæст кæнынц, уымæ хъæуы лæмбынæгдæр æркæсын. Сергей Меняйло ма загъта, цæмæй рынчындæтты уæгъд бынæтта фаг куыд кæной, æмæ уыцы фарстамæ æппынæдзух цæст дарын. Уымæ гæсгæ ма, ковидимæ тохкæныны хъуаддаг бахæс кодта Цæгат Ирыстоны медицинон академийы клиникон рынчындонæн дæр. Ныртæккæ республикæйы дзæбæхгæнæн профилактикон уагдæтты ковидæй рынчынтæн кæй бацæттæ кодтой, уыдоны ис 500 адæймаджы. Уæгъд бынæтты нымæц ныридæгæн у 180. Дарддæр цæуы вакцинаци дæр. Прививкæ чи скодта, уыцы адæмы нымæц республикæйы у 76 мин адæймагæй фылдæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv