Звукорежиссёр Газайты Зойæйæн радтой Хуссар Ирыстоны культурæйы сгуыхт кусæджы кадджын ном

Бирæ азты бæрнон куыст æмæ культурæйы къабазмæ стыр бавæрæн. Не `мкусæг, звукорежиссёр æмæ амонæг, Цæгат Ирыстоны культурæйы сгуыхт кусæг Газайты Зойæйы ныр та схорзæхджын кодтой «Хуссар Ирыстоны культурæйы сгуыхт кусæджы» кадджын номæй дæр. Бадзырд бафыста Хуссар Ирыстоны президент Бибылты Анатолий. 50 азæй фылдæр Газайты Зойæ æнæзæрдæхудт фæллой фæкодта радио æмæ телеуынынадæн. Æгæрон сты йæ хæрзтæ ирон киноаивады дæр. Бирæ кинонывтæм музыка сфæлдыста не `мкусæг, афтæ ма - Хуссар Ирыстоны сценæйыл æвæрд спектакльтæм дæр. Цæгатмæ гастрольты рæстæг-иу Газайты Зойæйы хъæппæрисæй уыцы спектакльтæ фыст æрцыдысты радиомæ дæр. Махæн тынг æхсызгон у нæ кадджын æмкусæджы хæрзиуæг æмæ йын арфæ кæнæм не `ппæт дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv