Мидхъуыддæгты министрады кусджытæ æнусон арты раз сæвæрдтой дидинджытæ

Уæрæсейы мидхъуыддæгты органты бӕрӕгбоны агъоммæ Цæгат Ирыстоны мидхъуыддæгты министрады ссардтой, æнусмæ йæ ном историмӕ чи бахаста, уыцы æдзард хæлæртты нӕмттӕ. Намысы Аллейы Мидхъуыддæгты министрады кусджытæ, сæ сæргъы пъæлицæйы инæлар-лейтенант Михаил Скоков, афтӕмӕй, æнусон арты раз сæвæрдтой дидинджытæ. Ссардтой 204 пъæлицæйаджы ном. Се 'хсæн Джыбылаты Зауыр дæр. Фæстæдæр республикæйы Мидхъуыддæгты министр бабæрæг кодта Джыбылаты Зауыры мад Берозты Зæлинæйы. Уымæй уæлдай ма Мидхуыддæгты министрады кусджытæ сæ хæсыл банымадтой 180 ныййарæджы æмæ идæдзы бабæрæг кæнын. Загътой сын бузныг, ахӕм хъæбатыртæ кæй схъомыл кодтой, уый тыххæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv