Цæгат Ирыстоны фæзындзæн тагъддзу электропоезд «Ласточка»

Цæгат Ирыстоны фæзындзæн тагъддзу электропоезд «Ласточка». Уый тыххæй республикæйы сæргълæууæг Битарты Вячеслав ныхас кодта Цæгат Кавказы æфсæнвæдæгты хицау Сергей Задоринимæ. Йæ ныхæстæм гæсгæ, Цæгат Ирыстонмæ ссæуыны фæнд чи скæна, уыдонæн хорз æххуыс фæуыдзæн ахæм нырыккон поезд. Битарты Вячеслав ахæм хъуыдыимæ сразы. Зæрдæ бавæрдта, республикæ ацы фарстайы фæдыл кæй кусдзæн æмæ, куыд сæ бон у, афтæ æххуыс кӕй кæндзысты, уымӕй. Куыд ма фæнысан кодта, афтæмæй, 10 азæй фылдæр кæуыл цæуы, ахæм вагæттæ дæр хъæуы баивын. Ныхас ма кодтой пандемийæйы уваæрты куысты фæдыл дæр. Сергей Задорин бузныджы ныхæстæ загъта Битарты Вячеславæн æмæ медицинон кусджытæн, æфсæнвæндаджы кусджытæн афоныл æххуыс кæй бакодтой, уый фæдыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv