Ирон академион театры ацыд спектакль «Бред вдвоём»-ы премьерæ

Французаг драматург Эжен Ионескойы пьесæмæ гæсгæ спектакль «Бред вдвоём» æвæрд æрцыд ирон театры сценæйы. Спектакль у Цæгат Ирыстоны Паддзахадон Университеты аивадон факультеты рауагъдонты дипломон куыст. Бацæттæ йæ кодта ирон театры артист Пæрæстаты Владимир. Уый у йæ дебют режиссёры куысты. Æрыгон æмкъæйтты ахастдзинæдтæ. Сæ цард йæ тæмæны бацыд Фыдыбæстæйы стыр хæсты рæстæджы. Хъайтартæ иумæ цæрынц бирæ азты дæргъы, фæлæ кæрæдзи æмбарын афтæ дæр нæма сахуыр сты. Французаг драматург Эжен Ионескойы пьесæ «Бред вдвоём» фыццаг хатт æвæрд æрцыд ирон театры сценæйы. Спектакль сценæмæ рахаста Цæгат Ирыстоны Паддзахадон университеты аивæдты факультеты кафедрæйы ассистент, артист Пæрæстаты Владимир. Факультеты рауагъдонтимæ æвæрд спектакль у йæ фыццаг къахдзæф режиссеры куысты. Режиссёр куыд фæнысан кодта, афтæмæй æдæппæтæй ахæм спектакльтæ зæххыл æвæрд æрцыд æрмæст 5 хатты. 6-æм хатт та æвдыст æрцыд ирон театры бæстыхайы. Дипломон куыстæн аргъ скодтой фæлтæрдджын артисттæ. Дарддæр æмгуыст кæнынвæнд кæнынц. Пьесæ хуымæтæджы æвзæрст не 'рцыд. Бафæндыд сæ, цæмæй дзы архайой курсы æппæт рауагъдонтæ дæр æмæ банкъарой иумæйаг аивадон æмгуыстад. 8 чызджы æмæ 1 лæппу хорз сарæхстысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv