Хицауады хæдзары дзырдтой Цæгат Ирыстоны эпидемиологон уавæрыл

Цæгат Ирыстоны эпидемиологон уавæрыл æрдзырдтой оперативон штабы æмбырды. Сæрдариуæг дзы кодта нæ республикæйы сæргълæууæджы хæстæ рæстæгмæ æххæстгæнæг Сергей Меняйло. Фæлхасгæнджытæм цæстдары управленийы разамонæг Тыбылты Аланы ныхæстæм гæсгæ, Цæгат Ирыстоны рынчынты нымæц, нæ бæстæйы иннæ регионтимæ абаргæйæ, у къаддæр. Ивгъуыд къуыриимæ абаргæйæ вакцинаци чи скодта уыдоны бæрц та фæфылдæр. Куыд фæнысан кодта, афтæмæй, стыр базарадон центртæ се ’ппæт Уæрæсейы фæлхасгæнджытæм цæстдары управленийы амынддзинæдтæ не`ххæст кæнынц. Куыд фæндыйы цæстæй кæсынц уавæрмæ æхсæнадон транспорты шофыртæ дæр. Сергей Меняйло бахæс кодта управленийы амынддзинæдтæ куыд æххæстгонд цæуынц, уымæ лæмбынæгдæр кæсын. Æнæниздзинад хъахъхъæныны министры хæстæ рæстæгмæ æххæстгæнæг Тебиаты Сослан та радзырдта нæ республикæйы медицинон уагдæтты уавæры тыххæй. Дзæбæхгæнæн-профилактикон уагдæтты бындурыл фæзынд 681 уæлæмхасæн бынаты коронавирусæй рынчынтæн. Уымæй уæлдай, фæрæвдздæр тест дæттыны хъуыддаг дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv