Цæгат Ирыстоны коронавирусæй рынчынты нымæц дыууæ бонмæ фæфылдæр 35,1%

Цæгат Ирыстоны ковид рынчынчынтыл дыууæ бонмæ бафтыд 35,1%. Дзæбæхгæнæндæтты ис 228 уæгъд бынаты. Уый тыххæй фехъусын кодтой оперативон штабы æмбырды. Амыдта йӕ республикæйы хицауады сæрдар Дзанайты Барис. Ковид стационарты равæрдтой 50 уæлæмхасæн сынтæджы. Уыдонæй 30 сты республикæйы сывæллæтты рынчындоны. 20 та — Рахизфарсы районы рынчындоны. Уæрæсейы фæлхасгæнджытæм цæстдарды управленийы амынддзинадмæ гæсгæ Дзæуджыхъæуы æмæ районты сывæллæтты рæвдауæндæтты æрвылбон карздæрæй æххæст кæндзысты эпидемиологон домæнтæ. Медицинон æххуысы фæдыл тагъд æххуысы станцæ ивгъуыд суткæмæ райста 1 мин 138 курдиаты. Сывæллæтты республикон рынчындонмæ суткæмæ бахауд 21 сывæллоны. Æдæппæтæй дзы дзæбæх кæнынц 67 сабийы. Ныртæккæ республикæйы коронавирус рабæрæг 556 сывæллонмæ. Æппæты фылдæр сты Мæздæджы æмæ Горæтгæрон районты. Республикæйы ахуырад æмæ наукæйы министрадæй куыд фехъусын кодтой, афтæмæй райдиан кълæстæ дистацион ахуырады ӕййафынц къуылымпыдзинæдтæ. Бафтаудзыстæм ма уый, æмæ Сергей Меняйлойы указмæ гæсгæ хойрæгты чыргъæдтæй ифтонг кæндзысты æххуысцух бинонты скъоладзауты 1-æй 11-æм къласы онг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv