Газы прибортæй раст пайда кæныны тыххæй адæмæн радзырдтой сæрмагонд службæйы специалисттæ

Газы прибортæй раст пайда кæныны тыххæй адæмæн радзырдтой сæрмагонд службæйы специалисттæ æмæ æнæнхъæлæджы уавæрты регионалон разамынды кусджытæ. Газы приборты уавæрмæ æркастысты Дзæуджыхъæуы цæрджыты хæдзæртты. Зæгъын хъæуы уый, æмæ уæлдай æргом аздæхтой цалдæр хъуыддагмæ - хæтæлтæ кæрæдзиимæ иугонд кæм сты, уыцы бынæттæй газ куыд нæ хъара, стæй вентиляцийы системæ куыд æмбæлы, афтæ куыд куса. Рейды рæстæджы цы лыстæг хъæндзинæдтæ рабæрæг, уыдон специалисттæ аиуварс кодтой. Æнæнхъæлæджы уавæрты разамынды кусджытæ ма иу хатт адæмæн загътой, газы балæттæ æмæ прибортæ сæрмагонд дуканиты æлхæнын кæй хъæуы, сертификат кæмæ ис, ахæм рæтты. Адæмæн сæ зæрдыл æрлæууын кодтой, раст чи нæ кусы, уыцы газы прибортæн дзуаппдæттæг сæхæдæг кæй сты. Сæ уавæрмæ, æнæмæнг, цæст дарын хъæуы æппынæдзухæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv