Республикæйы сæргълæууӕджы хæстæ рæстæгмæ æххæстгæнæг Сергей Меняйло амыдта сæрмагонд æмбырд

Республикæйы сæргълæууӕджы хæстæ рæстæгмæ æххæстгæнæг Сергей Меняйло амыдта сæрмагонд æмбырд. Архайдтой дзы Цæгат Ирыстоны министрадтӕ æмæ ведомствæты минæвæрттæ. Хицауады уæнгтæ уæлдай æргом аздæхтой Уæлахизы боны 76 азы кадӕн цæттæггæнæн мадзæлттæм. Сергей Меняйло бабар кодта цыртдзæвæнтæм базилын. Уыимæ сæ адихтæ кæнын куыстуæттæ æмæ уагдæтты 'хсæн, цæмæй сын сæ уавæрæн дзуаппдæттæг уа. Фарстайыл ма бæстондæр æрдзурдзысты 58-ӕм æфсады уæнгтимæ. Сергея Меняйлойы ныхæстæм гæсгæ, ахæм кадджын æмæ ахсджиаг бæрæгбонмæ цæттæгæнæн мадзæлттæ ныридæгæн хъуамæ цæуой æнæрлæугæйæ Дзæуджыхъæуы дӕр, республикæйы районты дæр. Нæ республикæйы культурæйы министры хæстæ рæстæгмæ æххæстгæнæг Къубалты Эльбрусæн та бахæс кодта бакусын Фыдыбæстæйы Стыр хæстимæ баст патриотон акцийыл. Æнæниздзинад хъахъхъæныны министрад æмæ æнæниздзинадмæ цæстдарды службæйæн та Сергей Меняйло бабар кодта сбæрæг кæнын афтекты ифтонгад цардæн æнæмæнг ахсджиаг хостæй æмæ сæ æргътæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv