Сергей Меняйло арфæ ракодта футболон клуб «Алани»-йы архайджытæ æмæ тренертæн

Сергей Меняйло арфæ ракодта футболон клуб «Алани»-йы футболисттæн, тренертæн æмæ разамындæн, сезон æнтыстджынæй кæй арвыстой, уый фæдыл. Клуб фыццаг дивизионы турнирон таблицæйы бацахста цыппæрæм бынат. Фарон та рахызт дыккаг лигæйæ фыццагмæ. 15 майы национ лигæйы кæронбæттæн хъазты «Алани» фæуæлахиз «СКА-Хабаровск» -ыл 2:1 хыгъдимæ. Хъыгагæн, стадион цалцæггонд кæй нæма у, уый тыххæй Уæрæсейы Футболы Цæдисæй клуб лицензии нæ райста. Сергей Меняйлойы ныхæстæм гæсгæ, «Спартак»-ы рацарæзт кæронмæ фæуыдзæн бæлвырд æмгъуыдмæ. Куыстытæ стадионы цæуынц «Физкультурæ æмæ спорты райрæзт»-ы паддзахадон программæйы фæлгæты. Спортсментæ Сергей Меняйлойæн балæвар кодтой командæйы футболкæ йæ мыггаг æмæ сæрмагонд номыримæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv