Цæгат Ирыстоныцæттæ кæндзысты специалистты курорт «Мамысон» мæ

Курорт «Мамысон»-мæ Цæгат Ирыстоны политехникон техникум райдайдзæн цæттæ кæнын специалистты. Уый тыххæй нæ республикæйы ахуырад æмæ наукæйы министрад техникумæн рахай кæндзæн 25 бюджетон бынаты. Дзæуджыхъæуы политехникон техникумы директоры ныхæстæм гæсгæ, ахуыргæнæндоны къæсæрæй рахизынц хорзцæттæгонд специалисттæ. Сæрмагонд программæ кусы дыккаг аз. Уымæ гæсгæ 2-аг, кæнæ 3-аг курсæй фæстæмæ студенттæ ацæуынц практикæ. Арæх уый руаджы ссарыц куысты бынæттæ. Уæ зæрдыл уын æрлæууын кæндзыстæм, 2019 азы курорт Мамысон снысан кодтой сæрмагонд экономикон зонæ. Куы байгом уа, уæд дзы уыдзæн 3 мин куысты бынаты. Нæ республикæйæн ацы фарста у ахсджиаг. Хъалонты фиддонтæ дзæвгар фæфылдæр уыдзысты, уыимæ республикæмæ цæудзæн фылдæр туристтæ. Апрелы Мамысоны курорты проект æнтыстджынæй ацыд паддзахадон экспертизæ. Фыццаг къæпхæны сараздзысты дыууæ канатон фæндаджы - иуæн йæ дæргъ уыдзæн 3 мин метрæй фылдæр, иннæмæн та 2 мин метрмæ`ввахс. Сараздзысты дзоныгътыл бырынæн трассæ, парк æмæ æндæр объекттæ. Цы парк дзы фæзындзæн, уый дæргъ уыдзæн 400 метрæй фылдæр. Йе*нæниздзинад хъыгдæрд кæмæн у, уыдонæн баулæфынæн курорты уыдзæн æппæт уавæртæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv