Истиқболи 30-солагии Истиқлолияти давлатӣ бо дастовардҳои баланди меҳнативу истеҳсолӣ дар Хатлон

Дар калонтарин вилояти мамлакат – Хатлони бостонӣ ба муносибати ҷашни 30-солагии Истиқлолияти давлатӣ бунёди 7654 бинову иншооти таъиноти гуногун ба нақша гирифта шудааст. Дар раванди татбиқи ин ҳадаф дар баробари ҷалби маблағҳои буҷетӣ, ҳамзамон саҳми соҳибкорону нафарони ватандӯсту ободгаро низ назаррас мебошад. Тавре масъулон иттилоъ медиҳанд, аллакай аз шумораи иншооти болозикр 4378 ададаш мавриди истифодаву баҳрабардории сокинон қарор дода шуда, дар онҳо беш 5 ҳазор нафар сокинони маҳаллӣ бо ҷойи кори доимӣ таъмин гардиданд. Дар корҳои сохтмонии иншооти бунёдшаванда низ имрӯзҳо садҳо нафар ҷалб шудаанд. Гузориши ТВ “Тоҷикистон” аз раванди корҳои сохтмониву бунёдкорӣ дар вилояти Хатлон