Цæгат Ирыстоны дарддæр араздзысты æнæниздзинад хъахъхъæнынады ног объекттæ

Цæгат Ирыстоны дарддæр аразын хъæуы æнæниздзинад хъахъхъæнынады ног объекттæ. Ахæм хъуыдыйыл хæст у нæ бæстæйы профилон министрад. Къабазы райрæзт æмæ системæйы модернизацийыл æрдзырдтой æнæниздзинад хъахъхъæныны министры фыццаг хæдивæг Игорь Каграманян, республикæйы хицауады сæрдар Тускъаты Таймураз æмæ Цæгат Ирыстоны æххæстбарджын минæвар Уæрæсейы президенты цур Джанайты Барис. Тускъаты Таймуразы ныхæстæм гæсгæ Цæгат Ирыстоны сног кодтой, кæнæ бындуронæй сарæзтой алыхуызон медицинон объекттæ. Сæрмагондæй Мæздæджы поликлиникæ, Æрыдоны сæйраг рынчындон, Тагъд æххуысы клиникон рынчындоны дзæбæхгæнæн корпустæ, Архонкæйы станицæйы рынчындон, авд амбулатоийы æмæ 5 фелсырон-акушерон пункты. Кæронмæ фæхæццæ кæны сывæллæтты республикон клиникон рынчындоны рацарæзт. Ахсджиаг у тарнизы ныхмæ сывæллæтты стационары арæзтад. Куыстытæн федералон бюджетæй уæлдай æхцайы фæрæзтæ рахай кодтой регионалон бюджетæй дæр. Национ проект «Культура» дæр æххæстгонд цæуы пъланмæ гæсгæ. Уымæ гæсгæ сног кæндзысты культурæйы хæдзар «Комсомолец» Алагиры, культурон рæзты центр Елхоты æмæ Беслæны культурæйы цыппар объекты. Премьеры ныхæстæм гæсгæ фæстаг азты культурæйы ног хæдзæрттæ фæзынд дæрддзæф хъæуты дæр, базилын хъæуы Тæбæхсæуты Балойы номыл ирон академион театрмæ. Æппæт куыстытæн рахай кæндзысты 16 млрд сомæй фылдæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv