Æппæтуæрæсеон æрвылазон конкурс «Правда или справедливость» ы лауреатты схорзæх кодтой

«Рæстдзинад æмæ æцæгдзинад» æппæтуæрæсеон конкурсы лауреатты схорзæх кодтой кады гæххæттытæй æмæ зæрдылдарæн лæвæрттæй. Се ’хсæн «Осетия-Ирыстон» телеканалы кусджытæ дæр. Информацион рауагъды редактор Æлбегаты Генриеттæ æмæ уацхæссæг Галина Григоряны куыстытæ æнæ рхъуыдыйæ нæ ныууагътой. Аргъ скодтой паддзахадон телерадиокомпани Алани, газетты æмæ информацион агентадты куыстытæн дæр. Æрвылазон мадзал æхсæзæм аз аразы Æппæтуæрæсеон адæмон фронт. Ацы аз Цæгат Ирыстонæй финалмæ рацыдысты 8 журналисты. Эпидемиологон уавæры тыххæй не ’мкусджыты схорзæх кодтой Æппæтуæрæсеон адæмон фронты регионалон хайады. Уымæй уæлдай сæрмагонд «Дзыллон информацион фæрæзты рæстуд куыст æмæ регионалон журналистикæйы райрæзтмæ ахадгæ авæрæн» бахæссыны фæдыл преми лæвæрд æрцыд радио «Алани» -йы информацион службæйы разамонæг Джыккайты Заремæйæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv