Кировы районы цæрджытæ сæхи цæттæ кæнынц Уæлахизы бонмæ

Уæлахизы бæрæгбонмæ цæттæгæнæн куыстытæ сæ тæмæны бацыдысты. Республикæйы алы районы дæр аив кæнынц мемориалтæ æмæ цыртдзæвæнтæ. Зæгъæм Кировы районы сыгъдæг кæнынц сæйраг мемориал. 6-æм майы ма районы ацæудзæн хæдтулгæты æмæ мотоциклты дугъ. Æрбацæудзысты уазджытæ сыхаг регионтæй. Елхоты цæрджытæ хистæрæй-кæстæрæй бавнæлдтой мемориалон комплекс нывыл кæнынмæ. Ахорынц, чъырæй цæгъдынц, дидинджытæ садзынц, алфамблай аив кæнынц. Æдæппæтæй цæттæгæнæн мадзалы архайы 100 адæймаджы. Комплексы сыгъдæгдзинад ахсджиаг у алкæмæндæр, уымæн æмæ уый у сæ фыдæлты истори. Уæлахизы бонмæ ахæм егъау зиу расидынц æрвылаз. Афæдзы дæргъы дæр мемориалон комплексмæ базилынц. Вæййы дзы экскурситæ. Сывæллæттæ радзурынц се `мхъæуккæгты хъæбатырдзинады тыххæй. Хæсты цæхæры дзы бирæтæ сæ цард снывонд кодтой Уæлахизæн. Районы сæхи цæттæ кæнынц Уæлахизы бæрæгбонмæ. 6-æм майы дзы ацæудзæн хæдтулгæтæ æмæ мотоциклты æрвылазон дугъ. Йæ кæрон уыдзæн Æрджынарæджы цур. Дугъы бацархайынмæ æрбацæудзысты Кæсæг-Балхъар, Хуссар Ирыстон æмæ Цæцæны республикæйæ, стæй æндæр сыхаг регионты минæвæрттæ. 9 майы та мемориалы цур сараздзысты кадджын мадзал. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv