Культурæйы къабазы минæвæрттæ æрныхас кодтой эпидемиологон уавæрты куыст куыд цæудзæн, ууыл

Ныртæккæ, эпидемиологон уавæр хынцгæйæ, культурæйы хæдзæртты кусджыты къухы не 'фты фæткмæ гæсгæ кусын. Афтæ, хæдахуыр дæсныты сфæлдыстадон конкурс «Иры фарн» цæттæ кæнæн мадзæлттæ дæр къуылымпыдзинæдтæ 'ййафынц. Конкурс цы хуызы саразтой, ууыл Битарты Вячеславы хъæппæрисæй, æрныхас кодтой районты культурæйы хайæтты кусджытæ. Æмбырды сæрдариуæг кодта республикæйы культурæйы министры хæдивæг Дзлиаты Дзерассæ. Цæгат Ирыстоны цы культурæйы артдзæстытæ ис, уыдон æнтыстджынæй кусынц. Бирæтæ дзы сты ногарæзт æмæ цалцæггонд. Цæрджытæн сты сæ уарзондæр ирхæфсæн бынæттæ. Уымæй уæлдай ма адæмон сфæлдыстады республикон хæдзары кусджытæ районты аразынц цымыдисаг дæсныйадæвдисæн ахуыртæ. Хихъæппæрисадон къордтимæ кусынц алыхуызон аивадон жанрты. Ныртæккæ, эпидемиологон уавæр хынцгæйæ, культурæйы хæдзæртты кусджыты къухы не 'фты фæткмæ гæсгæ кусын. Уый фæдыл нæ республикæйы культурæйы министрад æмæ Республикон адæмон сфæлдыстады хæдзары минæвæрттæ ныхас кодтой районты культурæйы хайæдты кусджытимæ. Уымæй уæлдай ма дзырдтой фидæны азы пълæнттыл. Лæмбынæг æрныхас кодтой, хæдахуыр дæсныты сфæлдыстадон конкурс «Иры фарн» хуыздæр куыд саразой, ууыл дæр. Æрвылаз æркасты архайынц, сæ курдиат раргом кæнын кæй фæнды, уыдон. Се`хсæн равзарынц хуыздæрты. У æгас Ирыстоны аивадуарзджыты уарзондæр бæрæгбон. Культурæйы къабазы кусджытæ æппæт мадзæлттæ дæр араздзысты эпидемиологон уавæр хынцгæйæ. Ныфс дарынц, низ кæй фæсæтдзæн æмæ сæм цы пълæнттæ ис, уыдоны райрæзтыл фæткмæ гæсгæ кæй бакусдзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv