Цæгат Ирыстоны артисттæ сæ аивадæй фæкастысты Левон Хачатрянмæ

«Левон, ты сильный!» Ахæм сæргондимæ чысыл раздæр Дзæуджыхъæуы сарæзтой æмæ ма ныр дæр цæуы хæрзаудæн концерт. Снысан æй кодтой Левон Хачатрянæн баххуыс кæнынæн. Хъæуы йæ дохтырты фæкаст æмæ дæргъвæтин реабилитаци Германийы. Концерты ацархайдтой Цæгат Ирыстоны сфæлдысталон къордтæ æмæ зындгонд артисттæ: Тайсауты Олег, Фардзинты Батрадз, Зæнджиаты Мæдинæ, Лæгкуты Спартак æмæ бирæ æндæртæ. Зæрдиагæй рахæцыдысты ацы хъæппæрисы фарс культурæйы галуан «Металлург» æмæ хæлардзинады республикон хæдзары разамынд дæр. Цы фæрæзтæ дзы æрæмбырд кæндзысты, уыдон арвитдзысты гыццыл лæппуйы бинонтæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv