Сывæллæтты театр «Премьерæ» сси дыууæ Гран прийы хицау

Сывæллæтты театр «Премьерæ» сси дыууæ Гран-прийы хицау. Æнтыстдзинæдтæ сæ къухы бафтыдысты «Симфония звезд», зæгъгæ, 7-æм æппæтуæрæсеон аивадты æмæ сфæлдыстадон конкурсы. Коллектив фæуæлахиз дыууæ номинации «Театралон сфæлдыстад» æмæ «Хореографи». Уымæй уæлдай ма æрыгон артисттæ рамбылдтой 13 дипломы алы номинациты. Конкурс цыд 13-æм æмæ 14-æм февралы Кисловодскы. Нæ бæстæйæ дзы архайдтой 1000 адæймаджы. Сæ курдиатæн сын аргъ кодтой зынгонд артисттæ, сфæлдыстадон ахуыргæнæндæтты педагогтæ, режиссертæ æмæ Уæрæсейы культурæйы архайджытæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv