Сергей Меняйло фембæлд Уæрæсейы президенты цур сывӕллӕтты бартæ хъахъхъæнæг Мария Львова-Беловаимæ

Сергей Меняйло фембæлд Уæрæсейы президенты цур сывӕллӕтты бартæ хъахъхъæнæг Мария Львова-Беловаимæ. Уый ныртæккæ Дзæуджыхъæуы ис кусæг балцы. Æмбырды æрныхас кодтой сабибонтимæ баст ахсджиаг фарстатыл. Уыимæ ма сарӕзтой стратегион сесси "Бинонтӕ фыццаг бынаты: нымæцон технологитӕ бинонтӕ ӕмӕ сывӕллоны пайдайӕн". Мадзалы архайдтой 250 экспертӕй фылдӕр алы регионтӕй. Ныхас кодтой нымæцон сервистӕ бинонтæ ӕмӕ сабибонтæн цы æххуыс сты, ууыл. Сергей Меняйло куыд фӕбӕрӕг кодта, афтӕмӕй республикӕйы ныридӕгӕн кусынц "Нымæцон психолог", электронон боныгтӕ ӕмӕ уӕлӕмхасӕн ахуырады навигатортӕ, фӕлӕ технологитӕ хъуамӕ ӕххӕст кӕной комкоммæ ныхас, ивгæ йæ ма кæной, фæлæ. Мария Львова-Белова фæнысан кодта, зӕгъгӕ, цифровизаци хъуамӕ специалисттæн фæрогдæр кæна сæ архайд, цӕмӕй сӕ бон уа фылдӕр рӕстӕг адӕмӕн ӕххуыс кӕнын. Радзырдта ног федералон IT-фæрæзты тыххӕй: чат-ботты ныййарджыты бартӕ сног кӕнынӕн ӕмӕ алиментты фарстаты фӕдыл, юридикон ӕххуысы сервисты ӕмӕ иумӕйаг аналитикон системӕйы тыххӕй.