Гриппæй хъуамæ вакцинацигонд æрцæуой цæрджыты 60%

Гриппæй хъуамæ вакцинацигонд æрцæуой цæрджыты 60%. Ахæм хæс Уæрæсейы президент Владимир Путин бабар кодта хицауады уæнгтæн. Æхцайы фæрæзтæ рахай кæнын хъæуы ног коронавирусы инфекцийы ныхмæ вакцинациæйæн дæр. Ацы хæстæ нæ бæстæйы президент бабар кодта сæххæст кæнын хæстæгдæр рæстæг. Уымæй уæлдай, хъуамæ алы медицинон бæстыхæймæ дæр æмбæлгæ рæстæг ласт цæуой хостæ. Регионалон хицауадæн дæр лæвæрд æрцыдысты бадзырдтæ. Уыдонмæ гæсгæ, хъуамæ коронавирусы низы ныхмæ цы прививкæтæ ис, уыдон дæр цæрджытæн конд цæуой лæвар. Куы бахъæуа, уæд та адæмæн сæхи бон уыдзæн привикæтæ кæнынмæ хи ныффысын дистанцион хуызы. Цæмæй нæ бæстæйы санитарон уавæр фæхуыздæр уа, уый тыххæй медицинон кусджытæ сæрмагондæй ныхас кæндзысты цæрджытимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv