Цæгат Ирыстоны бонтæ ацæудзысты Хъалмыхъы

Цæгат Ирыстоны бонтæ ацæудзысты Хъалмыхъы. Элистайы сæ куыстыты равдыст сараздзысты æрмдæснытæ æмæ нывгæнджытæ. Ууыл баныхас кодтой, æрæджы нæ республикæйы Хъалмыхъы культурæйы бонтæ куы уыдысты, уæд. Уазджытæ адæмон эпосы зæлтæй æмæ кафты театрæй сбуц кодтой аивадуарзджыты. Уымæй уæлдай ма сарæзтой нывгæнджыты, стæй национ костюмты æмæ сæ фæлындæнты равдыст. Уæдæ уыди фенæн хъалмыхъаг хæстонты хотыхтæ æмæ хæцæнгæрзтæ дæр. Мадзал аразджытæ уыдысты Цæгат Ирыстоны æрмдæсныты центр, Нывгæнджыты цæдис, национ музей æмæ промышленносты министрад. Æрмдæсныты центры менеджер Таболты Тамилæ æхсызгонæй куыд фæбæрæг кодта, афтæмæй равдыстмæ саккаг кодта бирæ фæсивæд. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv