3 азæй 7 азы онг кæуыл цæуы, уыцы сабиты фиддонтæ Цæгат Ирыстоны райстой 30 мин бинонтæ

3 азæй 7 азы онг кæуыл цæуы, уыцы сабиты фиддонтæ январæн æххæстгонд æрцыдысты. Цæгат Ирыстоны сæ райстой 30 мин бинонтæ. Уый тыххæй журналисттæн фехъусын кодта фæллой æмæ социалон райрæзты министры хæдивæг Айдарты Алинæ. Ныртæккæ министрад фиддонтæ æххæст кæны раздæры фæткмæ гæсгæ. Ацы аз апрелы йæм бахæсдзысты ивддзинæдтæ. Кæд курдиат цы бинонтæ балæвæрдтой, уыдонæн сæ æфтиæгтæ фæцæрынæн æппын къаддæры бæрц куы не суой, уæд фиддон уыдзæн фæцæрынæн æппын къаддæры бæрцы 75 проценты онг. Зæгъæм, ныртæккæ, фиддоны бæрц у 50 проценты - фондз мин сомæй фылдæр. Дарддæры къæпхæн кæд бинонты æфтиæгтæ ацы фиддонимæ фæцæрынæн æппын къаддæры бæрцæн йæ 70% нæ хæццæ кæной, уæд бинонтæ фиддон райсдзысты æххæстæй 100%. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv