Цæгат Ирыстоны Æхсæнадон Палатæ 2020-æм азы куыстæн хатдзæгтæ скодта

Афæдзы куыстæн хатдзæгтæ скодтой Цæгат Ирыстоны Æхсæнадон Палатæйы. Сæ цæст дарынц, нæ республикæйы национ проекттæ куыд æххæст кæнынц, уымæ. Æхсæнадон Палатæйы уæнгтæ æппынæдзух бæрæг кæнынц, социалон нысаниуæг кæмæн ис, уыцы объектты арæзтад. Программæты `хсæн – «Æдас æмæ хæрзхъæд автомобилон фæндæгтæ». Ацы аз сцалцæг кодтой 54 фæндаджы. Се `ппæтмæ дæр бæрнон кусджытæ æркастысты. Æвæстиатæй иуварс кодтой, цы фиппаинæгтæ сæм-иу бахастой, уыдон. Пандемийы рæстæг Æхсæнадон Палатæйы минæвæрттæ арæзтой рейдтæ афтекты дæр. Бæрæг кодтой, маскæтæ æмæ æрмкъухтæ уæййаг сæм ис æви нæ, уый. Æхсæнадон цæстдарды къамис та каст хойрæгты æргътæм. Уыимæ ма Палатæ архайдта закъоны проектты экспертизæйы. Ацы аз мах экспертизæ сарæзтам 15 закъоны проектæн. Иууылдæр уыдысты æхсæнадæн ахсджиаг. Дзырддаг дæр ма уыдысты сæ рæстæджы. Зæгъæм, «Хæдзары тыхми кæныны ныхмæ» закъоны проект. Мах йæ фарс нæ рахæцыдыстæм. Афтæ ма, 40 регионы дæр не `сразы сты уыцы хъуыдыимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv