Уæрæсейы æфсæддонтæ Хуссар Ирыстоны байгом кодтой мобилон бирæвæрсыг госпиталь

Уæрæсейы æфсæддонтæ Хуссар Ирыстоны байгом кодтой мобилон бирæвæрсыг госпиталь. Цхинвалы сæйраг стадионы сифтонг кодтой исæн æмæ æвзарæн, инфекцион æмæ санитарон-эпидемиологон хайæдтæ. Уыимæ ма, анестезиологи æмæ реаниматологийы хайад, лаборатори иртæстытæ кæнынæн. Госпиталы ис нырыккон медицинон кусæнгæрзтæ - рæуджытæ улæфæнгæнæн аппараттæ, сæрмагонд монитортæ пациентты уавæр бæрæг кæнынæн, рентген æмæ УЗИ, стæй туджы иртæстытæн лабораторитæ. Мобилон госпиталы разамонæг куыд фæнысан кодта, афтæмæй пациенттæн медицинон æххуыс ракæнынмæ цæттæ сты. Госпиталь сарæзтой Уæрæсейы хъахъхъæнынады министр Сергей Шойгуйы уынаффæмæ гæсгæ. Цæмæй республикæйы цæрджытæн æмбæлгæ медицинон æххуыс райсын уа коронавирсы ныхмæ. Ивгъуыд суткæмæ Хуссар Ирыстоны рабæрæг кодтой COVID-19-æй 98 рынчын айдæмаджы. Пандемийæйы райдианӕй республикæйы фæрынчын сты 768-æй. Уæрæсеимæ арæнтæ куы байгом кодтой, уæдæй нырмæ та - 678 адæймаджы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv