Фыранк Агундæ Цæгат Ирыстоны æрбынат кодта

Цæгат Ирыстоны цы фыранчыты ауагътой, уыдонæй иу - Агундæ, - йæ цæрæнбынат нæ аивта. Æрмæст уыцы хъæддаг сырдæн йæ хъуырыл даргæ цæг кусы, куыд æмбæлы, афтæ. Йæ бæрæггæнæнтæм гæсгæ, фыранчы куы рауагътой, уæдæй нырмæ ацыд 540 км, фæлæ йæ бынатæй дард нæ цæуы. Арæхдæр вæййы тархъæды, иуæй-иу хатт рахизы дурджын рæттæм, сычъитæ кæм хизынц, уырдæм. Цуан кæны зыгъарджытыл, хъæддаг куыйтæ æмæ гæдытыл. Ацы рæтты йæ рæстæджыты арæх уыди фыранк Волна. Мæнæ цы кадртæ уынут, уыдон систой цуанæттæ. Сырдыл куы схъæр кодтой, уæд алыгъд. Специалистты хъуыдымæ гæсгæ, у Волна, фæлæ нырма æххæстæй бæрæг нæу. Цæмæй сырдтæ хъæутæ æмæ фæндæгтæм хæстæг ма цæуой, уый тыххæй фæнд кæнынц хъахъхъæнджыты уæлæмхасæн къордтæ скæнын бынæттон цуанæттæй. Уыдон бацархайдзысты, цæмæй фыранчытæ сæ фæндаг æндæр бынæттæм акæной æмæ адæймагæй сæхи дард ласой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv