Куыстуат «Молоко Осетии» уадзы æхсыры продукцийы бирæ хуызтæ

Хъæууон хæдзарады къабазы куыстуæттæ исынц паддзахадон æххуыс. Уый къухы æфты Цæгат Ирыстоны кредитты гарантийы Фонды руаджы. Зæгъæм, куыстуат «Молоко Осетии» йæ гæнæнтæ фæуæрæхдæр кæнынæн райста кредит 5%-ыл. Ныртæккæ йæ ифтонг кæнынц ног кусæнгæрзтæй. Куыстуат «Молоко Осетии» уадзы æхсыры продукцийы бирæ хуызтæ. Æхсыры заводы кусджытæ куыд зæгъынц, афтæмæй продукцийы хæрзхъæддзинад зæрдæхсаинаг нæу. Паддзахады æххуысы руаджы кондад афæдзæй-афæдзмæ рæзы. «Ныртæккæ бирæ хорз программæтæ ис амалхъом адæмы æххуысæн. Мах куыстуатæн дæр ахъаз фæуыдзысты. Дæнцæгæн æрхæсдзынæн уый, æмæ махæн нæ бон нæ уыд банкæн гаранти снысан кæнын, æмæ нæм паддзахад фæкаст. Баххуыс нын кодта», - гом акционерон æхсæнад «Молпродукт»-ы разамонæг Абайты Алан. Кондад апарахат кæнынæн нæ куыстуат райста кредит 5% уæлæмхасæн фиддонимæ. Уый нæ къухы бафтыд, Кредитон фонд нæ бæрны кæй бацыд, уымæ гæсгæ. Ныртæккæ завод ифтонг кæнæм ног кусæнгæрзтæй. Райстам сæ финансон хаццоны бадзырдмæ гæсгæ. Сæрмагонд гæххæттытæ бафысынмæ дæр нæм Фонд фæкаст. «Ацы программæ нæ къухы бафтыд лизингон компанийы руаджы. Цæгат Кавказы йæ райрæзтыл фыццаг ам бакуыстой. Хъæугæ æххуыс ма бакæнæм программæты бацархайынмæ гæххæттытæ æмбырдгæнгæйæ», - кредитон гарантиты фонды директор Бериты Георгий. Республикæйы хъæууон хæдзарад æмæ хойраджы министрады куыд бафиппайдтой, афтæмæй Цæгат Ирыстоны æхсыры продукци афæдзæй-афæдзмæ фылдæр уадзынц. Æфты ма стурвосы нымæцыл дæр. «Стурвосы нымæц рæзы. Грантты хуызы æххуысы руаджы республикæ райста 2000 мин сæры. Афæдзы райдианæй бацæттæ кодтам 107% фылдæр, уый фаронимæ абаргæйæ фылдæр у», - РЦИ-Аланийы хъæууон хæдзарад æмæ хойраджы министрады стурвосдарынады хайады хицау Хæдарцаты Зарæ. Гранты æххуысæй ма Уналы сарæзтой, æхсыры куыст кæм кæндзысты, ахæм цех. Хæстæгдæр рæстæг скусдзæн. Специалистты ныхæстæм гæсгæ, фыццаг къæпхæны куыстуат суткæмæ кусдзæн 4 тоннæйы æхсырыл. Уазиты Зæлинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv