Ирон театр сси преми "Золотая Маска"-йы номинант

Æрвылазон преми "Золотая Маска"-йы номинанттæ сбæрæг сты. Номхыгъды ис Цæгат Ирыстоны паддзахадон академион театр дæр. Бахауд уыцы иу рæстæг 4 категоримæ. Номинаци "Спектакль большой формы"-йы уæлахизыл тох кæны равдыст "Паддзах Лир". Ацы спектакль сæвæрыны тыххæй "Режиссеры куысты" номинацимæ бахауд театры аивадон разамонæг Уалыты Гиви. Артисттæ Æгкацаты Аминæ æмæ Æлбегаты Алан та бацархайдзысты номинацитæ "Хуыздæр сылгоймаджы роль" æмæ "Хуыздæр нæлгоймаджы роль". Æркаст "Золотая маска" арæзт цæуы æртынæм хатт. Уый у нæ бæстæйы æппæт театралон премиты æхсæн æппæты ахсджиагдæр. Аразгæ та йæ скæндзысты иннæ аз уалдзæджы.