Цæгат Ирыстоны бæрæг кæнынц эпидемиологон домæнтæ куыд æххæстгонд цæуынц, уый

Санитарон-эпидемиологон уавæртæ республикæйы куыд æххæстгонд цæуынц, уый дарддæр бæрæг кæнынц рейдты рæстæг. Транспорты министрады, Паддзахадон автоинспекцийы æмæ Фæлхасгæнджытæм цæстдарды управленийы минæвæрттæ кæсынц, маршрутон такситы хи бахъахъхъæнынæн æппæт уавæртæ дæр ис, æви нæй, уымæ. Иртасынц бæлццæттæй маскæтæ чи нæ дары, уыдоны дæр. Æмæ кæд республикæйы сæргълæууæджы бардзырдмæ гæсгæ санитарон домæнты фæтк фæлæмæгъдæр, уæддæр бирæ адæм кæм ис, уыцы бынæтты, стæй æхсæнадон транспорты хъæуы дарын маскæтæ. Адæмы чи ласы, уыцы шофыртæ санитарон фæтк куы халой, уæд ивар бафиддзысты 30 мин сомы, административон закъонхæлдты кодексы статьямæ гæсгæ. Уыимæ ма сын бауромдзысты сæ архайд 90 суткæмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv