Рæвдауæндæтты уæлæмхасæн бынæттæ саразыны тыххæй Цæгат Ирыстонæн рахай кæндзысты 1 млрд 196 млн сомы

Цæгат Ирыстоны рæвдауæндæтты уæлæмхасæн бынæттæ саразыны тыххæй республикæйæн рахай кæндзысты 1 млрд 196 млн сомы. Уый тыххæй ацы аз республикæйæн федералон бюджетæй рахай кæндзысты 276 милуаны, 2021 азы та 920 милуан сомæй фылдæр. Ахæм бадзырд бафыста нæ бæстæйы хицауады сæрдар Михаил Мишустин. Сæрмагонд гæххæтты куыд фыст цæуы, афтæмæй субсидийæ баххуыс кæндзысты, 1,5 азæй 3 азы онг кæуыл цæуы, уыцы сывæллæттæн бынæттæ саразын. Уæ зæрдыл уын æрлæууын кæндзыстæм, скъолайы агъоммæ уагдæтты ацы аз фæнд кæнынц саразын 100 мин бынаты. Уый та зынгæ фæкъаддæр кæндзæн рад рæвдауæндæттæм. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv